Rannsóknasetrið Lífshættir barna og ungmenna er rannsókna- og fræðslusetur sem dr. Sigrún Aðalbjarnardóttir prófessor starfrækir. Setrið heyrir undir Félagsvísindastofnun. Markmið setursins er að vera víðtækur vettvangur rannsókna á sviði lífshátta barna og ungmenna, einkum því sem lýtur að margvíslegum þroska þeirra, menntun, áhættuhegðun og seiglu og lífssýn. Markmið setursins er jafnframt að miðla vísindalegri þekkingu um lífshætti barna og ungmenna og vera grundvöllur fyrir fræðimenn til að starfa á þessu sviði.